Buffon bu taklifga rozi bo‘ladimi?

Ayni damda "Yuventus" murabbiylar shtabida faoliyat olib borayotgan sobiq himoyachi Andrea Bartsali turinliklar posboni Janluiji Buffonga faoliyatini yakunlab, uni ham murabbiy bo‘lishga ko‘ndirmoqchi.

“Men Buffon bilan faoliyatini yakunlab, murabbiy bo‘lishi masalasida gaplashaman. Lekin, to‘g‘risini aytsam u hozir juda yaxshi sport formada”, - deydi Bartsali.

Ta’kidlash kerakki, Buffon hozir 42 yoshda. Biroq, u yana bir mavsum professional futbolda to‘p surmoqchi. U joriy mavsum “Yuve” safida 11 ta o‘yinda maydonga tushdi va o‘z darvozasidan 9 ta gol o‘tkazib yubordi.