Boshqacha bo‘lishi mumkinmidi?! O‘zbekiston muddatidan oldin guruhdan chiqish vazifasini uddaladi

Quvaytda o‘tayotgan Osiyo Kubogi "B" guruhi 2-turidan o‘rin olgan ikki uchrashuv yakuniga etdi. Dastlabki bellashuvda Turkmaniston hamda Bahrayn o‘zaro kuch sinashdi. Unda jamoalar 4:4 hisobidagi durangga imzo chekdi. 

Ikkinchi bellashuvda O‘zbekiston Tojikistonni qiyinchilik bilan 3:2 hisobida taslim etdi. 

Shu tariqa, Bahodir Ahmedov jamoalari 6 ochko to‘plagan holda, guruhdan chiqish vazifasini muddatidan oldin uddaladi. 3 ochkoga ega Tojikiston hozircha ikkinchi o‘rinni band etib turibdi. Shuningdek, Turkmaniston hamda Bahrayn hisobida 1 ochko mavjud.