Белал Муҳаммад: "Том Аспиналл, бу сенинг айбинг эмас"

UFC нинг собиқ чемпиони Белал Муҳаммад оғир вазн тоифаси амалдаги чемпиони Том Аспиналлни ҳимоя қилди.

"Том, энди сен мен ҳис қилган оғриқни ҳис қиляпсан. Мен ҳам бу ҳолатда бўлганман. Кимдир сени кўзингга уриб юборади — бу сенинг айбинг эмас — лекин дунё сени айблайди. Маслаҳатим: бу ҳақда ўйлама! Одамлар нима дейишидан хавотир олма. Ҳатто сен шифокор берган ҳужжатларни кўрсатсанг ҳам, баъзилар: “Ҳеч нарса бўлмаган”, — дейишади. Шунинг учун ўзингни оқлашнинг фойдаси йўқ. Мен ҳам Леон Эдвардс билан жангдан кейин 30 дақиқа кўзимни очолмаганман. Бу оғриқдан ҳам кўра кўпроқ руҳий синов эди. Шифокорлар “спортга қайтма” дейишларидан қўрққанман. Шунинг учун, Аспиналл, одамлар танқид қилса ҳам, парво қилма. Шунчаки йўлни давом эттир", - деди Белал.

Эслатиб ўтамиз, британиялик "UFC 321" турнирида Сирил Ганга қарши баҳсда кўзига бармоқ орқали берилган зарба туфайли жангни давом эттира олмаган эди. Кейинроқ Аспиналл тиббий текширувдан ўтди, бироқ баъзи жангчилар ва мухлислар унинг жароҳатига ишонмай, гўё у жангдан қочган, деб даъво қилишганди.