"Барселона" мухлислари клуб билан қайта бирлашди"

Энрик Масип "Барселона"нинг обрўси ҳақида фикр билдирди. Каталония клуби президентининг маслаҳатчиси 2021 йилда клуб дуч келган иқтисодий вазиятни эслаб ўтди.

- Бу тўлиқ ҳалокат эди. Беш ой олдин ҳам "Барса" йўқ бўлиб кетиш арафасида, деган миш-мишлар эшитилганди.

Бугун бу гаплар ҳазилдай туюлади. Биз вазиятни ўзгартирдик ва "Барселона" мухлислари клуб билан қайта бирлашди.

"Барса" янгича руҳ бағишламоқда - жамоа яна ҳис-туйғулар манбаи бўлиб қолди, - деди Жоан Лапортанинг маслаҳатчиси.

2025 йил январь ойида "Барселона" жамоа футболчилари Дани Олмо ва Паю Викторни рўйхатдан ўтказишда муаммоларга дуч келди, бироқ қийинчилик билан бўлса-да буни уддалади.