"Барселона" Бундеслигадан футболчи харид қилмоқчи

"Барселона" Роберт Левандовскининг ўрнига янги ҳужумчи сотиб олмоқчи. Бу ҳақда "El Nacional"нашри маълум қилди.

Хабарга кўра, каталонияликлар спорт дирекори Декунинг фикрича, клуб 2026 йилнинг ёзида "Бавария” футболчиси Ҳарри Кейнни сотиб олиши мумкин ва бу жамоа учун идеал трансфер бўлади. Айни пайтда Левандовски 37 ёшда ва унинг "кўк-анорранглилар" билан тузган шартномаси кейинги йилнинг июнь ойида ўз ниҳоясига етади.

Маълумот учун, Кейн мюнхенликлар сафида 98 та ўйинда майдонга тушиб, 89 та гол ва 26 та ассист қайд этди. Ҳозирда унинг "Transfermarkt" порталидаги нархи 75 миллион евро этиб белгиланган.