“Барса”га кетаман!

“Манчестер Сити”нинг португалиялик ҳужумкор футболчиси Бернарду Силва жорий мавсум якунланиши билан жамоасини ўзгартиришни режалаштиряпти.

Todofichajes нашрининг ёзишича, 30 ёшли чарм тўп устаси фаолиятини “Барселона”да давом эттиришни истаяпти.

Аслида “Барселона” аввалдан Силвани ўз сафида кўришга қизиқиб келади. Илгари томонлар ўзаро ҳамкорликни йўлга қийишга бир неча бор уриниб кўрган.

Трансфер бўйича экспертлар Силвани 55-60 миллион еврога баҳоламоқда. Бироқ ўйинчининг шартномаси якунланишига бир йил қолганини инобатга олиб, “Барселона” бу нархни туширишга ҳаракат қилади.

Бундан ташқари, каталонияликлар янги ижрочиларни олиш ва трансферни расмийлаштиришда молиявий фэйр-плейни бузмаслик учун ҳозирги таркибдаги  ўйинчилардан бирортасини сотиб юбориги талаб этилмоқда.

Бернарду Силва 2017 йилдан бери “шаҳарликлар” сафида тўп тепиб келмоқда. Кейинги пайтда кўп танқид қилинаётган футболчи муҳитни ўзгартириш ниятида.