Баҳрайн-2025: Улбосин Жалгасбаева бронза медалини қўлга киритди

Хабарингиз бор, айни кунларда Баҳрайн давлатининг Манама шаҳрида ўсмирлар ўртасидаги III ёшлар Осиё ўйинлари комплекс мусобақалари бўлиб ўтмоқда.

Бокс беллашувларида дастлабки медаль соҳиби аниқ. Қизлар ўртасида -66 кг вазн тоифасида иштирок этган Улбосин Жалгасбаева ярим финалда қозоғистонлик рақибига имкониятни бой берди ва бронза медалига сазовор бўлди.

Бугун ўзбекистонлик атлетлар бокс, сузиш, гандбол, оғир атлетика, футзал, эркин кураш ва велоспорт беллашувларида иштирок этишади.