Bahodir Jalolov qozog‘istonlik Qamshibek Konkabaevni mag‘lub etib, yarim finalga yo‘l oldi

Toshkentdagi "Humo arena"da boks bo‘yicha erkaklar o‘rtasidagi jahon chempionati davom etmoqda.

+92 kg vazn toifasida Bahodir Jalolov qozog‘istonlik Qamshibek Konkabaev bilan ringga ko‘tariladi. Jang 21:30dan so‘ng boshlanadi.

Bokschilar ringga chiqib keldi. Hamyurtimiz qizil libosda, uning raqibi ko‘k formada harakat qiladi.

Birinchi raundni Jalolov o‘z foydasiga hal qildi - 5:0.

Hamyurtimiz ikkinchi raundda ham ustunlikka erishdi - 5:0.

Uchinchi raundda Jalolovning qo‘li baland keldi. Yakuniy hisob 5:0 foydasiga. Bahodir Jalolov yarim finalga yo‘l oldi. Hamyurtimiz kamida bronza medali va 50 ming dollarni naqd qildi.