Антони: "Мен ўз қадримни биламан"

Ҳозирда "Бетис" сафида ижара асосида тўп сураётган Антонининг айтишича, унинг шахсий ҳаёти МЮ сафида ўзини тўлиқ кўрсатиш учун халақит берган.

 “Шахсий ҳаётим жуда кўп халал берди, мен бошимдан ўтказган нарсаларни бошдан кечирдим. Бу менга ёқадими ёки йўқми — жуда кучли таъсир қилди. Мен ўз салоҳиятимни биламан – бежизга жаҳон чемпионатига бормаганман, бежизга катта пул эвазига "Манчестер Юнайтед"га сотилмаганман. Мен ўз қадримни биламан. Одамлар баъзи лаҳзаларни кўради, лекин умумий манзарани ҳисобга олмайди. МЮда ҳам яхши, ҳам ёмон онларим бўлган, бироқ мен бундан ҳам кўпроқ нарсани қилган бўлардим, яхши ўйнаган бўлардим”, – дея Антони сўзларини келтирди ESPN Brasil.

Антони январь ойида “Бетис” сафига ижара асосида ўтган эди. Шу вақт мобайнида у барча мусобақаларда 16 та ўйинда майдонга тушди, тўртта гол урди ва тўртта голли узатмани амалга оширди. Футболчининг “Манчестер Юнайтед” билан амалдаги шартномаси 2027-йил ёзигача мўлжалланган. "Transfermarkt" порталига кўра, унинг бозор қиймати 20 миллион еврога тенг.