Анчелотти "Реал" мухлисларидан нимани сўради?

"Реал" бош мураббийи Карло Анчелотти ЕЧЛ 1/8 финали доирасида ПСЖга қарши бўладиган жавоб ўйинидан олдин мухлисларга мурожаат қилди. Айтиш керакки, "қироллик клуби"нинг собиқ ҳимоячиси Серхио Рамос ҳозирда Париж клубида тўп сурмоқда ва у Мадриддаги ўйинда майдонга тушиши мумкин.

Sport.es нашрига берган интервьюсида Карло Анчелотти Рамос билан тез-тез гаплашиб туришини ва уни ўйин давомида уни кўришдан хурсанд бўлишини айтди.

У Рамосни Мадрид клубида ўйнаган энг яхши футболчилардан бири деб атади.

Италиялик мутахассис “Реал” мухлисларига мурожаат қилар экан, улардан Серхио Рамосни илиқ кутиб олишларини сўради, шунингдек, уни ҳақорат қилишга асос йўқлигини таъкидлади.