"Ан-Наср" Роналдуга Бундеслигадан шерик топди

"Ан-Наср" янги марказий ҳужумчи билан шартнома имзоламоқчи.

"Kicker" хабарига кўра, Саудия клуби "Байер" футболчиси Виктор Бонифейсни нишонга олган. Ўтган йили бу футболчи етакчи жамоалар билан фаол боғланган. Бироқ, сўнгги пайтларда нигериялик футболчи трансфер миш-мишларида камдан-кам учрай бошлади.

"Ан-Наср" эса бундан фойдаланиши мумкин. Араб клуби 50 миллион евродан юқори таклиф юборса, "Байер" 24 ёшли Бонифейс учун таклифни кўриб чиқишга тайёр. Клубда Виктор Бонифейс ҳужумда Криштиану Роналду билан бирлашиши мумкин.

Маълумот учун, 2024/2025-йилги мавсумда нигериялик футболчи 15 та ўйин ўтказиб, 8 та гол урган. Ҳужумчининг немис клуби билан амалдаги шартномаси 2028 йилнинг ярмига қадар мўлжалланган.