Эмре Жан: "Ювентус"нинг қизиқаётгани бу мен учун шараф

Англиянинг “Ливерпуль” клуби ярим ҳимоячиси Эмре Жан ўзининг “Ювентус”га ўтиши борасида тарқалган гап-сўзларга изоҳ бериб ўтди.

“Шахсан мен учун бундай машҳур жамоадан қизиқиш бўлаётгани шараф. Аммо, мен айни дамда бор вужудим билан “Ливерпул”никиман.

Қолган чемпионатларни ҳурмат қилган ҳолда айтишим мумкинки премьер-лига дунёнинг энг кучли ва қизиқарли мусобақаси. Мени ёки Юрген Клоппни “Бавария”га ўтиши масаласига келсак, эртага нима бўлишини ҳеч ким билмайди. Қолаверса, мен ҳам Клопп нималарни режалаштираётганини билмайман”, - дейди германиялик футболчи.

Маълумот учун, Жаннинг мерсисайдликлар билан амалдаги шартномаси 2018 йилга қадар имзоланган.