Абрамовичнинг жамоасига даъвогарлар ортмоқда. Навбатдаги харидор Буюк Британиянинг энг бой одами

“Челси” клубига янги харидорлар чиқишда давом этмоқда, дея забар беради британ ОАВ. Аввалроқ клуб хўжайини Роман Абрамович жамоани сотиш истаги борлигини маълум қилган эди.

Бунгача эса ОАВда клуб Буюк Британиянинг энг бой одами Жим Рэтклифф даъвогарлик қилиб турган эди., бироқ Mirror нашри хабарига кўра, яна бир харидор чиққан. Бу америкалик йирик тадбиркор Пол Аллен. У НБАдаги “Портленд Трэйл Блэйзерс” ва НФЛдаги “Сиэтл Сихоукс” клубларига эгалик қилади.

Манбада ёзилишча, 65 ёшли бойвачча Нью-Йоркда исроиллик агент Пини Захави билан клубни сотиб олиш борасида суҳбатлашган. Захави – Абрамовичнинг яқин дўсти.

Абрамович 2003 йили “Челси”ни 140 миллион фунт эвазига сотиб олган. Бу вақт ичида клуб беш мартадан мамлакат чемпиони, кубок соҳиби ва икки марта Англия суперкубоги, уч марта Лига кубоги, бир мартадан ЕЧЛ ва Европа Лигасида (жами 17 соврин) зафар қучди.

Ўтган 98 йил ичда “Челси” атиги 9 титулга: битта чемпионлик титул, кубок соҳиби ва 2 марта Англия кубоги, 2 марта Лига кубоги, шунингдек, 2 марта УЕФА кубоги ва 1 марта УЕФА суперкубогини қўлга киритган.

Bloomberg нашри тарқатган хабарга кўра, россиялик тадбиркор клубни 3 миллиард фунтга сотишга тайёр. У бу активларини Америкадан бўлиши мумкин бўлган санкциялар учун асраб қўймоқчи.