AGMK o‘rtoqlik o‘yinida "Al-Dafra"ni yirik hisobda engdi

AGMK jamoasi Dubayda davom etayotgan o‘quv-mashg‘ulot yig‘ini davomidagi ikkinchi nazorat uchrashuvini o‘tkazdi.

BAA chempionatida 10-pog‘onada borayotgan "Al Dafra"ga qarshi bahsda Mirjalol Qosimov shogirdlari yirik hisobda g‘alaba qozonishdi. Har bir taymda urilgan ikkitadan golga raqib bir gol bilan javob qaytardi. AGMK gollariga Zafar Polvonov, San’at Shixov, Oybek Qilichev va Shaxboz Umarovlar mualliflik qilishdi.