100 йиллик антирекорд такрорланди

Европа лигасининг умумий босқич иккинчи турида Англиянинг “Ноттингем Форест” жамоаси ўз мухлислари кўз ўнгида Даниянинг “Мидтьюлланн” клуби футболчиларига 2:3 ҳисобида ютқазди.

Бу натижа яқинда “ўрмончилар”ни қабул қилиб олган янги бош мураббий Ангелос Постекоглу учун антирекорд бўлди. Жамоани олтинчи бор ўйинга тайёрлаган австралиялик мураббий ҳали ғалаба қозона олгани йўқ.

Унинг шогирдлари охирги олтита учрашувда атиги икки марта дуранг ўйнади ва тўртта учрашувда рақибларга имкониятни бой берди.

Шу тариқа, Ангелос Постекоглу “Ноттингем Форест” мураббийлари ичида охирги юз йилда дастлабки олти учрашувда бирорта ғалабага эришмаган биринчи мутахассис бўлди. Аввалги Антирекорд 1925 йили қайд этилган бўлиб, Жон Бэйнс қўл остида “ўрмончилар” кетма-кет еттита учрашувда зафар қучмаган эди. Шунга қарамай, Бэйнс яна тўрт йил жамоани бошқарган.

Ангелос Постекогулининг жамоа билан шарнтомаси 2028 йилнинг ёзигача давом этиши белгиланган.