Зубайра Тухуговнинг саргузаштлари якунланди...

Чеченистонлик ММА жангчиси Зубайра Тухугов расман фаолиятини якунлади. Бу ҳақда унинг менежери Ризван Магомедов хабар берди. 

"Зубайра фаолиятини тўхтатди. Биз у билан бирга ишлашда давом этамиз. Унга ёрдам берамиз", – дея Магомедовнинг сўзларини келтиради ТАСС ахборот агентлиги.

Маълумот учун, Зубайра Тухугов ўтган йили UFC ростеридан ўчирилганди. У сўнги жангини "UFC 284" турнирида ўтказган ва бразилиялик Элвис Бренерга ҳакамларнинг алоҳида қарори билан имкониятни бой берганди.Тухугов фаолияти давомида 27 та жанг ўтказиб, 20 ғалаба ва 7 мағлубият қайд этган.