Холанд Хусановдан ҳайратга тушди
- 18-апрел, 14:23
- Zohir Toshxo’jayev
- 0
- Футбол
“Манчестер Сити” ҳужумчиси ва энг зўр тўпурари Эрлинг Холанд жамоанинг марказий ҳимоячиси Абдуқодир Хусановга бўлган ҳайратини яширмай, ўзбек футболчиси ҳақида илиқ фикрларини билдирди.
22 ёшли Ҳусанов “Манчестер Сити”даги биринчи тўлиқ мавсумини жуда ишончли ва юқори даражада ўтказмоқда.
Ўтган ҳафта охирида “Челси” устидан сафарда 3:0 ҳисобидаги ғалабада ўзбек футболчисининг ҳам ҳиссаси катта бўлди.
Ўша ўйин якунланганидан сўнг “Стэмфорд Бридж”да Холанд Хусановни меҳмонлар сектори томонга олиб борди ва ғалабани мухлислар билан нишонлашга ундади, шунда 22 ёшли ўзбекистонлик футболчи ўз улушига тўғри келган олқишларни қабул қилиб олди.
Англия лигаси кубоги финалида ҳам Эрлинг Холанд бир неча бор Ҳусановга кубокни кўтарган ҳолда мухлисларга юзланишга ундаган эди.
Холанд Хусановдан атиги уч ёш катта, аммо у ўзини жамоадошига ғамхўрлик қилишни яхши кўради, Абдуқодир Манчестерга келганидан бери норвегиялик юлдуз уни ҳар томонлама қўллаб-қувватлаб келмоқда.
Эрлинг Абдуқодирнинг Премьер-лигага қандай мослашганидан таъсирланганини маълум қилди.
- Мен Ҳусанов билан бўлган ҳолатни эслайман, чунки Абдуқодир бизнинг жамоада айратланарли ва ажойиб ўйин кўрсатмоқда. Унга осон бўлмади, у янги мамлакатга келди, тилни билмасди. Бу барча жиҳатдан қийин эди.
Абдуқодир катта босим остида қолди, Премьер-лигадаги биринчи ўзбекистонлик футболчига айланди ва ҳоказо.
Мен гапираётганимда ўзимни 35 ёшдагидек тутибман, аммо йўқ, мен 25 ёшдаман. Менда катта тажриба бор, кўп футбол ўйнайман, шунинг учун турли вазиятлардан яхши хабардорман.
Мен учун бошқаларга ёрдам бериш муҳим, чунки улар ўзларини қандай ҳис қилишини биламан ва баъзида бу бироз қийин бўлиши мумкин. Уларни ўзларини қулай ҳис қилишлари учун ҳаракат қилиш муҳим, - деди Холанд Sky Sports нашрига берган интерьюсида.
Эслатиб ўтамиз, Абдуқодир Ҳусанов 2025 йилнинг 20 январь куни Франциянинг “Ланс” клубидан 40 миллион евро эвазига “Манчестер Сити”га трансфер қилинган эди. Жорий мавсум ўзбек футболчиси “шаҳарликлар” таркибида асосий фигуралардан бирига айланди.
Ҳусанов жамоаси билан илк соврини – Англия лигаси кубоги қўлга киритди, январь ва март ойларида “Манчестер Сити”нинг энг яхши футболчиси соврини билан тақдирланди.