"Вест Хэм" "Милан" футболчиси учун курашга қўшилди

"Вест Хэм" "Милан" форварди Кшиштоф Пёнтек учун курашга қўшилди. DailyStar нашри хабарига кўра, "болғалилар" А Серия клубига футболчининг трансфери масаласида таклиф юборган.

Манбага кўра, "Вест Хэм" польшалик ҳужумчини сотиб олиш имконияти билан ижарага олишни режалаштиришмоқда.

Таъкидланишича, футболчининг трансфер суммаси 30 миллион фунтни ташкил қилиши мумкин. Олдинроқ,  Кшиштоф учун яна бир АПЛ клуби "Тоттенхэм" ҳам даъвогарлик қилаётган эди.