Собиқ футболчи "Реал"га 31 ёшли футболчини сотиб олишни маслаҳат берди

Ўтмишда машҳур бўлган футболчи Клод Макелеле "Реал"га 31 ёшли футболчини ўз сафига қўшиб олишни маслаҳат берди. Гап ПСЖ ҳимоячиси Маркинос ҳақида кетмоқда.

- Мен доим Маркиносни "Реал"да кўришни истардим. Бу йигитни жуда яхши кўраман. Мен Анчелотти штабида бўлганимда у билан ПСЖда ишлаганман. Унинг сифати, меҳнатсеварлиги, иштиёқи, сабр-тоқати... У ақл бовар қилмайдиган даражада тараққий этди.

- Албатта, ҳозир у ПСЖ сафида дунёнинг энг яхши жамоасида ўйнамоқда. Аммо бу айнан мен "Реал"да кўришни истаган футболчи. Маркинос жуда ақлли. Ҳозир яккама-якка ўйнай оладиган ҳимоячиларни кўп кўрмаяпман. У эса шундай қилади. Мен учун Маркинос орзудаги футболчи, агар "Реал" янада кучлироқ бўлишни истаса. Аммо ПСЖ уни қўйиб юбормайди, деб ўйлайман, - деди Макелеле.

Маркиноснинг ПСЖ билан шартномаси 2028 йилнинг ярмигача мўлжалланган.