"Ростов"да молиявий инқироз. Жамоа қишда 6 футболчисини сотиши мукин. Улар орасида Шомуродов ҳам бор

Россиянинг "Ростов" клуби молиявий инқирозга юз тутган. Бу ҳақда СЭ нашри хабар берди.

Манбанинг маълум қилишича, ростовликларда молиявий инқироз жуда таранг. Футболчилар 3 ойдан бери маош ва бонусларини олишмаяпти. Клубнинг ҳомийлари етарли, аммо улар охирги пайтларда жамоага етарликча эътибор беришмаяпти.

Агар яқин орада ҳеч нарса ўзгармаса, "Ростов" қишки трансферлар мавсумида жамоа етакчиларидан 6 нафарини сотиши мумкин. Улар ҳимоячи Чистяков, ярим ҳимоячилар Норманн, Попов, Еременко ва Ионов, ҳужумчи Шомуродов.

Шунингдек, клуб раҳбарияти вазият ўнгланмаса жамоа бош мураббийи Валерий Карпин билан ҳам хайрлашиши мумкин.