"Рома"нинг янги мураббийи аниқ! Раньери буни тасдиқлади

Клаудио Раньери "Рома" янги бош мураббийни танлаб бўлганини маълум қилди.

Эслатиб ўтамиз, италиялик мутахассис мавсум якунида мураббийлик лавозимини тарк этади.

- Албатта, бу масала ҳал бўлган. Бироқ, буни қачон эълон қилишни президент белгилайди.

Ҳатто акам менга қўнғироқ қилиб: "Ҳеч бўлмаса менга айт! Ҳамма мендан сўраяпти", деди. Мен унга: "Айнан шу сабабдан сенга айтмаяпман, миш-мишлар тарқалмаслиги учун", деб жавоб бердим.

Ҳатто Вендиттига ҳам: "1 июлда ҳаммаси маълум бўлади", дедим. У эса: "Агар янги мураббий июлда келса, у футболчиларни танимайди-ку", деб эътироз билдирди. Шунда мен: "Унга ўзим тушунтираман", деб жавоб бердим, - деди Раньери.

Маълумот учун, Антонелло Вендитти - машҳур италиялик қўшиқчи, "Рома"нинг содиқ мухлиси ва клуб мадҳиясининг муаллифи.