Рожер Федерер эртага ўзбекистонлик теннисчига қарши кортга чиқади
- 29-май 2021, 14:40
- Baxtiyorjon Toshtemirov
- 0
- Теннис
Ўзбекистонлик теннисчи Денис Истомин Парижда ўтказилаётган Франция очиқ чемпионати – “Роланд Гаррос-2021” мусобақасининг асосий даврасига йўл олди. Айни пайтга келиб, ҳамюртимизнинг ушбу босқичдаги рақиби аниқ бўлди.
Унга кўра, Истомин асосий даврани швейцариялик машҳур теннисчи - Рожер Федерерга қарши бошлайди. “Катта дубулға” турнирларининг 20 карра ғолибига қарши кечадиган баҳс эртага Тошкент вақти билан соат 14:00 да старт олиши кутилмоқда.
Истомин ва Федерер шу пайтгача ўзаро 7 марта тўқнаш келган бўлиб, уларнинг барчасида Федерер ғалаба қозонган.
Яна бир жиҳати, ҳамюртимиз фаолиятидаги илк “Катта дубулға” турнирини 2006 йил АҚШ очиқ чемпионатида айнан Рожер Федерерга қарши бошлаган эди.
Манба: МОҚ
Изоҳлар (0)
Ҳозирча изоҳлар йўқ