Рэшфорд МЮнинг Европа лигасидаги ўйинини ўтказиб юборади

"Манчестер Юнайтед" футболчиси Маркус Рэшфорд жароҳат олиб, узоқ муддатга сафдан чиқди. Футболчи камида 2-3 ҳафтани ўтказиб юбориши айтилмоқда. 

Маълумотларга кўра, Маркус 13 апрель куни бўлиб ўтадиган "Севилья"га қарши Европа лигаси ўйинида жамоасига ёрдам бера олмайди. Шунингдек, унинг жавоб учрашувида ҳам майдонга тушиш эҳтимоли жуда кам.

Эслатиб ўтамиз, Рэшфорд АПЛ доирасида "Эвертон"га қарши ўйинда жароҳат олиб, майдонни эрта тарк этганди. 8 апрель куни бўлган беллашувда "қизил иблислар" 2:0 ҳисобида рақибдан устун келган.