“Реал” жорий мавсум якунланганидан кейин таркибини тартибга солиш ишларини ҳозирдан режалаштириб бормоқда ва бу қарорлар асосида айрим ўзгаришларга қўл уради.
Сўнгги маълумотларга қараганда, Мадрид жамоасидан ҳужумкор ярим ҳимоячи Франко Мастантуоно кетиши кутиляпти.
OK Diario нашри хабар беришича, “Қироллик клуби” хўжайинлари асосий таркибга киришга қийналаётган ёш юлдузни бошқа жамоага ижара асосида юбориш вариантини кўриб чиқмоқда.
Гап оддий ижара ҳақида бормоқда ва даъвогар клубга ўйинчини кейинчалик сотиб олиш ҳуқуқи берилмайди. Мадридликлар Мастантуоно мунтазам ўйин амалиётига эга бўлишини ва ривожланишини истайди.
Франко Мастантуоно “Реал” сафига ўтган ёзда, вояга етганидан кейин қўшилган. Шундан буён аргентиналик футболчи 27 та ўйин ўтказиб, 3 та гол урди ва 1 та голли узатма берди.