“Реал” катта пулга кўп гол ураётган ҳужумчини олади

“Реал Мадрид” мутасаддилари швециялик моҳир ҳужумчи Виктор Дьёкереш трансфери учун 100 миллион евро таклиф қилишга тайёр.

Defensa Central  нашрининг маълумотларига кўра, мадридликлар Дьёкереш ўйнаётган Лиссабоннинг “Спортинг” клуби билан келишувни амалга ошириш учун бир неча клублар билан рақобатга киришади.

“Спортинг” ҳужумчи билан тузган шартномасида уни қўлга киритмоқчи бўлган харидорлар 100 миллион евро миқдорида бадал пули тўлаши кераклигини аниқ бўлгилаб қўйган.

Трансферлар бўйича экспертлар йилдан йилга кўраткичлари кўтарилиб, ўйин сифати ошиб бораётган Дьёкереш белгиланган суммага арзийдиган ўйинчи эканини таъкидламоқда.

Дьёкереш жорий мавсумда 24 та учрашувда 27 та тўп киритиб, тўпурарлик қобилиятини намойиш қилишда давом этмоқда.