Про-лига. Апрель ойининг энг яхши футболчиси маълум!

Про-лигада апрель ойининг энг яхши футболчиси номи эълон қилинди. Унга кўра, "Бухоро" футболчиси Рўзимбой Аҳмедов ойнинг энг яхши ўйинчиси, деб топилди.

Ҳужумчи якунига етган ойда Бухоро клуби билан 2 та ўйинда иштирок этди. Рўзимбой ушбу баҳсларда 2 гол уришга муваффақ бўлган. 

Шунингдек, Аҳмедов билан бир қаторда энг яхши бўлиш учун Муҳриддин Зоиров ("Шўртан"), Ҳумоюн Муртазоев ("Турон"), Равшан Ягудин ("Машъал") ва Микола Агапов ("Машъал") ўрин олган эди.