"Пахтакор" чемпионат баҳсларида "Олимпик"ни ютмаган! "Шерлар" бу гал ғалаба қозона оладими?

Хабарингиз бор, бугун мамлакатимизда 2023 йилги Суперлига 2-давра беллашувлари старт олади.

"Олимпик" мавсумнинг иккинчи қисмини эртага "Пахтакор"га қарши уйдаги баҳс билан бошлайди. Учрашув "Жар" стадионида бўлиб ўтади. Ўйин 20:00да бошланади. "Олимпик" клуб матбуот хизмати беллашувга оид маълумотларни тақдим этди.

Тимур Кападзе шогирдлари шу кунгача "шерлар" билан жами 4 бор тўқнаш келган. Суперлига-2022 доирасида ўтказилган ҳар иккала учрашувда ҳам кучлар тенг келган (1:1, 1:1). "Жар"даги ўйинда "Олимпик" сафида Тимур Мамасидиқовнинг пасидан кейин Руслан Жиянов гол урган. 2-давра "Пахтакор"да ташкиллаштирилган беллашувда Руслан Жияновнинг пасидан сўнг Отабек Жўрақўзийев тўп киритган.

2021 йилнинг 20 октябр санасида Ўзбекистон кубоги чорак финали доирасида ўтган баҳсда эса "Пахтакор" Aброр Исмоиловнинг голи евазига минимал ҳисобда ғалаба қозонган.

Суперлига жорий мавсуми дастлабки турида "Олймпиc" меҳмонда "Пахтакор"ни 3:2 ҳисобида мағлуб этганди. Ўшанда жамоа сафида голларга Руслан Жиянов, Aлишер Одилов ҳамда Одил Aбдумажидов муаллифлик қилишган.

"Олимпик"нинг "Пахтакор"га қарши ўйинлари:

Суперлига-2022
3-тур, 16.03.2022
"Олимпик" - "Пахтакор" 1:1
Голлар: Р.Жиямов (Т.Мамасидиқов) 5 - Ф.Сайфиев (Д.Черан) 22

Суперлига-2022
16-тур, 17.08.2022
"Пахтакор" - "Олимпик" 1:1
Голлар: П.Банашак 46 - О.Жўрақўзиев (Р.Жиянов) 61

Ўзбекистон кубоги-2021
Чорак финал, 20.10.2021
"Олимпик" - "Пахтакор" 0:1
Гол: A.Исмоилов 64

Суперлига-2023
1-тур, 03.03.2023
"Пахтакор" - "Олимпик" 2:3
Голлар: Ф.Сайфиев 63, Д.Турсунов 83 - Р.Жиянов 7, A.Одилов 49, О.Aбдумажидов 79

Эртанги ўйин иккала жамоанинг ўзаро бешинчи тўқнашуви бўлади.