"Ньюкасл" Шешкого кўпроқ маош таклиф қилган, лекин у МЮни танлади

Аввалроқ хабар берилганидек, "РБ Лейпциг" ҳужумчиси Беньямин Шешко "Манчестер Юнайтед" клубига 76,5 миллион евро + 8,5 миллион бонус эвазига ўтиши кутилмоқда.

Журналист Флориан Плеттенбергнинг маълум қилишича, Шешко "Ньюкасл" томонидан таклиф этилган юқори маошга қарамай, айнан МЮ сафига ўтишга қарор қилган.

Шунингдек, битимни тезлаштириш учун форварднинг манфаатларини ифодаловчи агентлик ўз воситачилик ҳақининг сезиларли қисмидан воз кечди.

Маълумот ўрнида, 22 ёшли словениялик ҳужумчи ўтган мавсум Бундеслигада 33 та ўйинда 13 та гол урган.