"Навбаҳор" ва "Пахтакор" учрашувларининг энг яхши тўпурари ким?
- 7-апрел 2021, 14:34
- Javokhir Azimov
- 0
- Футбол
Хабарингиз бор, бугун Ўзбекистон Суперлигаси 5-турига старт берилади. Илк кундаёқ бизни марказий учрашув кутиб турибди.
Намангандаги "Марказий" стадионида амалдаги чемпион "Пахтакор" меҳмон бўлади. Ушбу баҳс олдидан ўзаро учрашувлар тўпурари кимлигини биласизми?
Ўзаро ўйинларда энг кўп тўп киритган футболчи Александр Гейнрих ҳисобланади. У жами 9 марта наманганликлар дарвозасига гол урган. Леонид Кошелев эса 7 тўп киритган. Шундан 3 тасини "Навбаҳор", 4 тасини "Пахтакор" сафида киритган. Игорь Сергеев ҳозирча "лочинлар" дарвозасини 7 бор ишғол қилган. "Шерлар"дан Игорь Шквирин, Анвар Солиев, Зайниддин Тожиев ва Одил Аҳмедов 4 тадан тўп киритган. "Навбаҳор"дан Шуҳрат Мирхолдиршаев ҳисобида 4, Олег Шацких ҳисобида 3 гол мавжуд. Кошелевдан ташқари Вадим Котельников ҳам ҳар икки жамоа сафида гол уришга эришган.
"Навбаҳор" ва "Пахтакор" ўртасидаги ўйинлар тўпурарлари
9 - Александр Гейнрих;
7 - Леонид Кошелев, Игорь Сергеев;
4 - Игорь Шквирин, Анвар Солиев, Зайниддин Тожиев, Одил Аҳмедов, Шуҳрат Мирхолдиршаев;
3 - Олег Шацких.