"Монако" бош мураббийи: "Муҳим уч очкони қўлга киритдик"

"Монако" клубининг бош мураббийи Ади Хюттер УЕФА Чемпионлар лигаси доирасидаги "Црвена Звезда" устидан қозонилган йирик ҳисобли ғалабага баҳо берди.

"Бу биз учун жуда муҳим уч очко эди. Брел Эмболо ўз голини киритганидан жуда хурсандман. Учта ўйинда етти очко жамғара олдик. Лекин биз ўзимизни кўп яхши ҳолатда деб ўйламаймиз. Ҳа, биз яхши ҳолатда бўлишимиз мумкиндир. Лекин олдинда жуда қийин рақиблар кутиб турибди", - деди "Монако" устози.