"Манчестер Сити" ва "Манчестер Юнайтед"да тарбияланган футболчи Шомуродовнинг собиқ жамоасига ўтмоқда

"Манчестер Юнайтед" ва "Манчестер Сити" академияси битирувчиси Ноа Огайо Бельгиянинг "Стандарт" клубидан Италиянинг “Женоа” клубига кўчиб ўтиши мумкин. Бу ҳақда журналист Жанлука ди Марцио хабар бермоқда.

Иккала клуб ҳам АҚШнинг 777 Partners хусусий сармоя компаниясига тегишли эканлигини ҳисобга олсак, трансфер жараёни қийин кечмаслиги аниқ.

Нидерландиялик футболчи кейинги мавсумда ҳам Бельгияда қолишни истаётганини айтмоқда, бироқ бу позиция раҳбарият фикридан фарқ қиладиган бўлса, бу трансфер футболчининг хоҳишидан қатъий назар амалга оширилади.