"Манчестер Сити" "Барселона"нинг етакчи футболчисини сотиб олиш бўйича илк қадамни ташлади

"Манчестер Сити" клуби "Барселона" ярим ҳимоячиси Серхи Робертони қўлга киритишга жиддий бел боғлади.

Mundo Deportivo нашри тарқатган хабарга кўра, "шаҳарликлар" 28 ёшли испаниялик футболчининг трансфери борасида “кўк-анор ранглилар”га расмий таклиф юборишган. Унинг ўзи эса фақатгина Гвардиола учун “Барса”ни тарк этишга рози эканини билдирган эди.

Серхи Роберто жорий мавсум каталонияликлар сафида 29 та ўйинда майдонга тушди ва 1 та гол ҳамда 2 та голли узатмага муаллифлик қилди. Унинг клуб билан амалдаги шартномаси 2022 йилга қадар имзоланган. Трансфер нархи эса 40 млн еврога баҳоланмоқда.