Легионеримиз жамоасини Еврокубокларга олиб чиқмоқчи!
- 10-феврал 2025, 21:53
- Ali Ahmadxo’jayev
- 0
- Футбол
Ўзбекистон футболининг энг иқтидорли тарбияланувчиларидан ҳисобланган Умарал Раҳмоналиевнинг фаолиятини янги босқич бошланди.
“Бунёдкор” тарбияланувчиси “Рубин”даги фаолиятидан кейин Озарбайжон чемпионатига кўчиб ўтди. Қозонликлар 21 ёшли футболчини 2025 йил охирига қадар “Сабах” жамоасига ижарага юборди.
Озарбайжон чемпионатининг 22-турида Умарали Раҳмоналиев “Сабаҳ” таркибида “Турон-Товуз” жамоасига қарши тўлиқ ўйнади ва 2:1 ҳисобидаги ғалабага ўз ҳиссасини қўшди.
Учрашувдан кейин ҳамюртимиз azerisport.com сайтига интервью берди.
- “Турон-Товуз” жамоаси билан бўлган ўйин ҳақида нима дея оласиз?
- Ўйин биз учун жуда оғир этди. Истак кучли бўлгани учун бу муҳим учрашувда ғалаба қозона олдик. Айниқса, иккинчи бўлимда яхши ўйнадик. Майдонда мураббийнинг барча айтганларини амалга оширдик. Позицион ҳимоя ва ҳужум вақтида барча кўрсатмаларни тўғри ва тўлиқ бажардик.
- Бу айтганларингиз асосан иккинчи бўлимга тегишли. Биринчи бўлимда нега ишлар юришмади?
- Билмайман. Ўйинга киришиш қийин бўлди. Ҳамма ўйлаганларимиз ҳам ўхшайвермади. Ҳужум чизиғида шиддатли ҳаракатлар етмади. Ҳимоя ва майдон марказида яхши ўйнадик. Беллашувнинг иккинчи қисмида рақиб жарима майдончаси атрофида босимни кучайтирдик. Ўйинни ўз назоратимизга олиб, яратилган вазиятландан унумли фойдаландик.
- Тўғридан-тўғри рақобатчи жамоа устидан иродали ғалаба қозониш, сизга нима берди?
-Мен бу каби учрашувларнинг аҳамияти жуда катта, деб биламан. Бу каби ўйинлардаги ғалаба жамоага жанговар руҳ бағишлайди. Мағлубият премьер-лигадаги имкониятларимизни пасайтириб юборар эди.
- Энди жамоангиз Европа кубокларига йўлланма берувчи тўртинчи ўринни эгаллаб турган “Турон-Товуз”дан беш очкога ортда қолмоқда. Бу фарқни йўққа чиқариш имкони борми?
- Шундай бўлишига умид қиламан. Чунки ана шу мақсадга эришиш учун ҳаракат қиляпмиз. Энг муҳими – ўз очколаримизни олсак, қолгани ўзи ҳал бўлади.
- Ўз ўйинингиздан қониқдингизми?
- Ҳали тўлиқ қониқмадим. Спорт формамни кўтариб олишни истайман.
- Бундан ҳам яхши ўйнай оласизми?
- Буни вақт кўрсатади. Ҳозир мослашиш жараёни кетяпти, жамоадагилар мени яхши қарши олди. Бу ерда ўзимни ҳар томонлама қулай ҳис қиляпман. Ўсишим учун шароит бор.
- Январь ойи охирида “Сабаҳ” билан бир йиллик ижара шартномаси туздингиз. Россия Премьер-лигасига қайтасизми ёки шу ерда қолишингиз мусмкинми?
- Буни ҳали кўрамиз. Эртага нима бўлишини ҳеч ким билмайди. Шу ерда эканман кўпроқ фойда келтиришни хоҳлайман. Қаерда ўйнашимдан қатъи назар, кўпроқ ишлаш ва катта натижаларга эришишни истайман. Ҳали бутун фаолиятим олдинда.