Криштиану Роналду яна бир рекорд қўйди, бу сафар майдон ташқарисида

Криштиану Роналду рекорд ўрнатишда давом этади.

Гап шундаки, португалиялик юлдузнинг "Инстаграм" саҳифасидаги обуначилари сони 500 миллионтага етди. Бу орқали у мазкур ижтимоий тармоқда шундай натижага эришган илк инсонга айланди. 

Бу борада иккинчи ўрин Роналдунинг ашаддий рақобатчиси Лионель Мессига тегишли. Аргентиналик футболчида ушбу кўрсаткич 372 миллионга тенг.

Криштианудан кўпроқ кузатувчи фақатгина "Ингстаграм"нинг ўз аккаунтида мавжуд. Уни 569 миллион обуначиси бор.