Пўлатхўжа Холдорхонов: "Мураббий алмашгани билан мақсад ўзгармайди"

19 апрель куни Қўқонда водий дербиси доирасида “Андижон” жамоаси “Қўқон-1912”га қарши майдонга тушади.

Айни пайтда “Бургутлар” бўлажак баҳс учун астойдил тайёргарлик кўришмоқда. Жамоа аъзолари бунинг учун машғулотларда жиддий ишлашмоқда ва мураббийларнинг кўрсатмалари асосида шуғулланишяпти.

Жумладан, Пўлатхўжа Холдорхонов ҳам жамоадошлари қатори юқори суратда тайёргарлик кўрмоқда.

"Андижон"нинг бугунги машғулоти олдидан клуб матбуот хизмати Холдорхонов билан қисқача мулоқот ўтказди.

- Пўлатхўжа, 19 апрель куни "Андижон"ни сафарда "Қўқон-1912"га қарши навбатдаги водий дербиси кутмоқда. Бўлажак ўйинга тайёргарлик қандай кетмоқда ва жамоани кайфияти қандай?

- Ассалому алайкум. Ўйинга тайёргарлигимиз яхши кетмоқда. Жамоанинг кайфияти яхши ва ҳамма ўйинга тайёр.

- Маълумки, кетма-кет муваффақиятсизликлардан кейин жамоамизда мураббийлар алмашди. Айтинг-чи, мураббий янгиланганидан сўнг жамоада қандай ўзгаришларни сезяпсиз?

- Биласизми, мураббий алмашгани билан жамоанинг мақсади ўзгармайди. Барча ўйинга ҳаммамиз майдонга фақат ғалаба учун тушамиз. Машғулотлар жараёнида шуни кўряпмизки, бизга доминант футболни олиб кирмоқда. Айнан машғулотларда шуни устида кўпроқ ишлаяпмиз.

- Ҳар ўйинда жон-жаҳдингиз билан ўйнаётганингизга гувоҳ бўляпмиз. Олдиндаги ўйин учун қандай мотивация оляпсиз?

- Худо холаса блажак басда жамоамга лимдан келганча рдам бераманлбатта мни вазифам гол уриш лекин гол уришдан кўра жамоанинг муим

- Жамоанинг мағлубиятли ўйинлар сериясига нима сабаб деб ўйлайсиз?

- Афсуски, ўйинларда бизга кўпинча омад етишмади, деб ўйлайман. Қаердадир ўзимизнинг хатоларимиз эвазига ютқаздик. Албатта, олдинги хато ва камчиликлардан етарли хулосалар чиқариб, бўлажак беллашувларда ишқибозларимизни ғалабалар билан хурсанд қиламиз.