Италия кубоги. "Милан" "Бари"ни ишончли ҳисобда мағлубиятга учратди. Лука Модрич эса дебют учрашувини ўтказди

Массимилиано Аллегри мураббийлиги остидаги Милан Италия кубоги доирасида Бари билан тўқнаш келди ва ишончли 2:0 ҳисобида ғалабага эришди. 
 
Учрашувнинг 14-дақиқасида Рафаэль Леау бош билан зарба йўллаб, ўйиндаги ҳисобни очди. Иккинчи бўлимнинг 48-дақиқасида эса Кристиан Пулишич миланликларнинг иккинчи голига муаллифлик қилди. 
 
66-дақиқада "Реал Мадрид"нинг собиқ ярим ҳимоячиси ва афсонаси Лука Модрич Самуэле Риччи ўрнига захирадан ўйинга қўшилди. 
 
Эслатиб ўтамиз, "Милан" Италия А Сериясидаги илк ўйинини 23 август куни "Кремонезе"га қарши ўтказади.