"Истиқлол" мураббийи: Умид қиламан, ўйлаганларимизни амалда кўрсата оламиз

Осиё чемпионлар лигаси 5-тур доирасидаги "Шабаб Ал-Аҳли" - "Истиқлол" учрашувидан олдин ташкил этилган матбуот анжуманида Душанбе жамоаси ёрдамчи мураббийи Мубин Эргашев иштирок этди.

"Осиё чемпионлар лигаси гуруҳ босқичи якунига етмоқда. Жамоаларда 2тадан ўйин қолди, натижалар кейинги босқич йўлланмасини ҳал этади. Эртага бизни қийин ўйин кутмоқда. "Шабаб Ал-Аҳли" фақат ғалаба учун ўйнайдиган жиддий рақиб. Бизнинг ҳам ўз режаларимиз бор. Умид қиламан, ўйлаганларимизни амалда кўрсата оламиз. Майдонда ҳар нарса бўлиши мумкин. Шубҳасиз, 3 очко учун курашамиз", - деди мураббий.

Маълумот учун, "Шабаб Ал-Аҳли" ва "Истиқлол" жамоалари ўртасидаги ўйин бугун тунда 00:00да бошланади. "Истиқлол" айни дамда 7 очко билан гуруҳда иккинчи ўринда бормоқда. Дубай клубида эса 4 очко мавжуд.