Икки чемпионимизнинг "Кичик жаҳон чемпионати"даги жанги бекор қилинди

Бугун “Strandja”да биринчи кунги баҳслар бўлиб ўтади.

Илк кунги жанглар рўйхатидан Олимпиада чемпиони Абдумалик Ҳалоковнинг учрашуви ўрин олган эди. Аммо Абдумаликнинг профессионал жангда бўлиб ўтиши керак бўлган, иккинчи баҳсининг вақти олдинроққа сурилгани туфайли, чемпионимиз Испанияга учиб кетадиган бўлди. Демак, у “Strandja”да бугун рингга кўтарила олмайди.

Яна бир чемпионимиз Асадхўжа Мўйдинхўжаев ҳам бугун Болгарияда баҳс олиб бориши керак эди, аммо Асадхўжа мусобақадан олдин орттирган жароҳатидан тўлиқ тиклана олмагани учун ўз жангини ўтказиб юборадиган бўлди.

Кун доирасидан бугун фақатгина Самандар Олимов рингга кўтарилади.