Ҳусанов "бошқача" ўйнаяпти!

Европа футболининг энг нуфузли инсайдери Фабрицио Романонинг “Манчестер Сити” Абдуқодир Ҳусанов учун курашга қўшилгани ҳақидаги хабари футбол экспертларини ўзбекистонлик ҳимоячининг имкониятлари ва салоҳиятини яна бир карра таҳлил қилиб чиқишга сабаб бўлди. Чунки “шаҳарликлар” бош мураббий Хосеп Гвардиола тасдиғини олмасдан, бирорта трансфер бўйича ҳаракат бошлаймайди. 

“Ланс”нинг 20 ёшли марказий ҳимоячисига харидор бўлган клублардан бири “Челси” фаолиятини ёритиб келаётган Chelseanews  портали экспертлари Абдуқодир Ҳусановнинг ҳимоячилик маҳоратини “Пари Сен-Жермен” сардори Маркиньос ва “Челси” юлдузи Леви Колвилл билан солиштирди.

Sports.uz портали ушбу нашрнинг Абдуқодир Ҳусанов бўйича таҳлилини ўзбекистонлик футбол ишқибозлари эътиборига ҳавола этади.

- Айни пайтда Ўзбекистон миллий терма жамоаси ўйинчисига “Челси”, “Тоттенхэм”, “Астон Вилла”, “Ньюкасл”, “Манчестер Сити” каби яна бир қатор Англия Премьер-лигаси клублари кўз тикмоқда. Ҳусанов 2023 йилнинг ёзигача Минскда ўйнаган ва унинг трансфери кулгили нарх – 400 минг еврога баҳоланган эди.

Орадан 1,5 йил ўтиб, Абдуқодир Европанинг энг салоҳиятли ва келажаги порлоқ марказий ҳимоячиларидан бирига айланди.

Ҳусановнинг устунлиги нимада?

Абдуқодир жуда тезкор, лекин Европада тез югурадиган ҳимоячилар кўп. Қолаверса, марказий ҳимоячиларнинг даражасини аниқлашда тезлик ҳар доим ҳам асосий кўрсаткич бўлавермайди. Ҳусанов ўйнаётган Франция чемпионатида Максанс Лакруа ва Лукас Кластерма каби тезкор ҳимоячилар етишиб чиққан, лекин улар жаҳон даражасидаги ҳимоячиларга айлана олгани йўқ.

Fbref скаутлик марказлари каби очиқ ташкилотлар экспертларининг тадқиқоти натижалари Абдуқодир Ҳусановнинг ҳимоячилик қобилияти уни жаҳон даражасидаги ҳимоячилар эталони ҳисобланган Тьяго Силва билан бир қаторга олиб чиқаётганини кўрсатмоқда.

“Ланс” ҳимоячининг энг муҳим устун томонларидан бири – тўпни эгаллаб олишдаги шиддатли ва муваффақиятли ўйнаш олиш қобилиятидир. Ҳусанов яккакурашларда ҳам устунлик қила олишига қарамай, яккама-якка курашга киришмасликни, ишни унгача олиб бормай, олдиндан тўпни эгаллашни ва шу орқали рақиб ҳужумини бузишни маъқул кўради. Айнан мана шу хусусияти ўзбек футболчисини бошқа ҳимоячилардан яққол ажратиб турадиган жиҳат ҳисобланади.

Абдуқодирнинг ўйинларини кўриб, бу йигит яқиндагина Англия Премьер-лигасидан Францияга кўчиб ўтибди, деган таассурот уйғонади. Чунки Англиядаги ҳимоячилар айнан Ҳусанов услубида тўп тепади. Ҳусановнинг темп ва шиддатли ўйин услуби уни бошқалардан ажралиб туриши ва трансфер бозорида кўзга кўринган фигурага айланишига асос бўлмоқда.

Агар Ҳусановни “Челси”нинг энг зўр марказий ҳимоячиси Леви Колвилл билан солиштирсак, “Ланс” вакили англиялик ҳамкасбидан умуман қолишмайди, балки айрим жиҳатлар бўйича ундан устун экани кўзга ташланади. Таҳлилимиз янада батафсил бўлиши учун Франция чемпионатининг ПСЖда ўйнаётган энг кучли ҳимоячиси Маркиньосни ҳам қўшиб, Ҳусанов билан солиштирамиз.

Демак эътибор беринг:

Жорий мавсумнинг биринчи қисмида Абдуқодир Ҳусанов умумий ҳисобда 98 та ҳимоявий ҳаракатни амалга оширди, шулардан 26 тасида тўпни эгаллаб олди, 22 тасида рақибдан тўпни олиб қўйди.

Мавсумнинг бу қисмида Колвилл 93 та ва Маркиньос 59 та ҳимоявий ҳаракатни уддалади. Абдуқодирнинг тўпни эгаллаб олишдаги кўрсаткичига етиш учун Маркиньос ва Колвиллнинг бу борадаги натижаларини қўшиб ҳисоблаш керак.

Ҳусановнинг бундай катта устунликка эришиши нафақат унинг жисмоний ҳолати ва тайёргарлиги юқорилиги, балки ўйинни “ўқиш” қобилиятининг юқори даражада шаклланганига ҳам боғлиқ эканини таъкидлаш лозим.

Юқорида Ҳусанов яккакурашга киришишдан кўра, тўпни олдиндан эгаллаб олишга ҳаракат қилишини зикр қилинган эди. Бу асло Абдуқодирнинг нозик томони, деб бўлмайди. Қуйидаги статистик ўзбек футболчининг яккакурашларда “Челси” ва ПСЖ вакилларидан устун эканини кўрсатмоқда.

Юқоридан келаётган тўп учун кураш:

Колвилл – 56,9 фоиз ғалаба;

Тажрибали Маркиньос – 60,6 фоиз ғалаба;

Ёш Ҳусанов— 69,2 фоиз ғалаба.

Progressive Passes Received тадқиқот маркази жуда нозик жиҳатга эътибор қаратди. Абдуқодир Ҳусанов рақиб жарима майдончасидан 10 метрдан катта бўлмаган масофада ҳужумни ривожлантирувчи аниқ пас бериш бўйича беназир ҳимоячи ҳимоячи ҳисобланади.

Ўзбек легионерида ана шундай манзили аниқ тўп узатишлар сони олтитани ташкил қилмоқда. Бу кўрсаткич Маркиньосда учта ва Колвиллда тўртта экани қайд этилган.

Абдуқодир Ҳусановнинг тўпни эгаллаб олиш ва яккакурашлардаги устунлиги, тезкорлик хусусиятлари, ўйинни ўқиш қобилияти, жисмоний куч-қувватини инобатга олсак, нега бу ҳимоячи Европа топ-клублари орасида талаш бўлаётгани ойдинлашади, - деб ёзмоқда Chelseanews  портали.

Эслатиб ўтамиз, Абдуқодир Ҳусанов жорий мавсум “Ланс” сафида барча турнирларда 16 маротаба майдонга тушиб, битта ассист қайд этди. Легионеримиз ҳисобида битта қизил ва иккита сариқ карточка ҳам бор.

“Манчестер Сити”: Ҳусанов учун “Ланс” сўраган пулни берамиз!

“Бўрилар” Ҳусановга асосий таркибдан жой кафолатлади, бошқа даъвогарлар “қимирлаб” қолди!

Буни бутун дунё кутганди! “Ланс” устози Ҳусановга Гвардиола қизиқаётганига қандай муносабат билдирди?

Шомуродов учун курашга жиддий клуб қўшилди!

“Рома” Шомуродовни қайси жамоага беради?

Файзуллаев: Яқинларимни Монакога олиб кетаман!

Файзуллаев: Машғулотларга боргим келмай қолди, Холанднинг кўзойнагидан ҳам олдим...