Гасперини: "Энг ёмон хабар — Дибаланинг жароҳати"

"Рома" бош мураббийи Жан Пьеро Гасперини Италия А Сериясининг 10-турида "Милан"дан (0:1) учралган мағлубият ҳақида фикр билдирди.

"Одамлар ҳар қандай ҳолатда нимадир нотўғри кетди, деб излайдилар. Лекин мен учун энг муҳими — нималар яхши иш берганини кўриш. Бизга фақат бир неча сантиметр етишмади.

Биз жуда кўп имкониятлар яратдик — мен айнан шундай ёндашувни сақлаб қолмоқчиман. Шундай ўйинлардан кейин қўлинг бўш қолса, бу нафақат афсус, балки тўғри йўлда эканингни кўрсатади.

Энг ёмон ҳолат — пенальти эпизодидаги Дибаланинг жароҳати. У қанча вақтга сафдан чиққани номаълум, лекин ноябрдаги терма жамоалар танаффусигача майдонга қайтмайди. Ҳозирча бу биз учун энг катта йўқотиш", — деди Гасперини.