Файзуллаевнинг Европага йўли очилди...

Айни пайтда Европанинг кучли бешлик чемпионатларида Элдор Шомуродов ва Абдуқодир Ҳусанов бор. Италия ва Франциядаги легионерларимиз қаторига Англиянинг “Брентфорд” клуби ёшлар жамоасига ўтган Муҳаммадали Ўринбоевни ҳам қўшиш мумкин.

Бироқ Европада порлай олиши кутилаётган асосий номзод Аббосбек Файзуллаев ҳисобланаши ҳеч кимга сир эмас.

Файзуллаев айни пайтда ЦСКА таркибида мавсумнинг иккинчи қисмига тайёргарлик кўрмоқда. Тез орада қайта тикланадиган Россия Премьер-лигаси доирасидаги учрашувлар легионеримиз учун муҳим аҳамият касб этади. Чунки 20 ёшли ҳужумкор футболчимизнинг келажаги кўп жиҳатдан юқори даражада бошланган мавсумни қандай давом эттиришига боғлиқ.

Россия футбол жамоатчилиги Аббосбек Файзуллаевнинг Европанинг кучли лигаларига кўчиб ўтиш имкониятини муҳокама қилишда давом этмоқда.

Sports.uz портали ўзбекистонлик футбол ишқибозлари эътиборига Аббосбек Файзуллаев ҳақидаги мулоҳазаларни ҳавола этади.

Евгений Алдонин, ЦСКА фуболчиси УЕФА кубоги соҳиби:

Файзуллаев жуда сифатли футболчи. У  ЦСКАга жуда мос тушди, жамоанинг етакчиларидан бирига айланди.

Аббосбек Осиё кубогидаги муваффақиятли иштирокидан кейин Европа клубларига ўтиш масаласида бош қотириши мумкин.

Муҳими, бу футболчи юқори савияда барқарор ўйнаши керак.  Агар Файзуллаев ҳозиргидек ўзига бўлган талабни юқори даражада ушлаб турса, ЦСКАнинг бошланғич таркибида кўпроқ майдонга тушади. Чемпионатнинг биринчи қисмида Аббосбек Россия Премьер-лигасининг энг зўр ўйинчиларидан бўлди.

Денис Попов, ЦСКАнинг собиқ ҳужумчиси:

Файзуллаев муайян сифатларга эга бўлган салоҳиятли футболчи. ЦСКА уни ушлаб қолиши керакми?  Биринчи навбатда, таклиф қайси клубдан бўлишига, ўз олдига қандай мақсадларни қўйганига қараш керак. Ўзаро тил топиша олиш ҳам муҳим. Агар Европадан муносиб таклиф бўлса,  Файзуллаевнинг ўзи ҳам ўтишни исташи табиий. Энг муҳими, бу трансфер ҳар икки томон учун ҳам манфаатли бўлиши лозим.

Юрис Лайзанс, ЦСКАнинг собиқ футболчиси:

Ҳозирча, Аббосбек Файзуллаев ЦСКАда ўйнашни давом эттириши керак. У энди ярим йил ўйнади. Жамоанинг натижаларини жуда яхши, деб бўлмайди, ьарварор кўрсаткичларга эришиш муҳим ҳисобланади.

Бироқ бирор бир хориж клуби Файзуллаевнинг ЦСКАда дарров очилиб кетганини инобатга олиб,  ҳозирнинг ўзида сафига қўшиб олиши ва янада кучайишига ишонч билдириши ҳам мумкин.  Балки кимлардир Аббоснинг янада янги қирраларини очишини кутаётгандир.

Геннадий Орлов, шарҳловчи:

ЦСКАга захира кучлари етишмаётгани айни ҳақиқат. Шунга қарамай, Владимир Федотов нималаргадир умид қиляпти, у жуда яхши мураббий ва кучли тактик. Бош мураббий қўл остида ажойиб футболчи Аббосбек Файзуллаев пайдо бўлган.Лекин, тушунимча, Аббосга бошқа жамоалар кўз тикяпти. Менимча, ёзда Файзуллаевни “армиячилар” сафидан олиб кетишади.

Ўзбек клубига ютқазган футболчи катта ваъда бериб қўйди

Ҳусановнинг Европа лигасидаги дебюти қандай баҳоланди?

Чемпион жамоага қўшилган легионеримизни мақташяпти

Легионеримиз гол урди

Ўзбек ҳужумчисини Премьер-лига клуби ўз сафига қўшиб олди

Ўзбек футболчилари легионерга айланишга тайёр

“Навбаҳор”да ишлаган мураббий Файзуллаевни “Бавария”га ўтказиш йўлини айтди

Европалик агент: “Бавария”нинг Файзуллаевга қизиқиши бежиз эмас...

Осиё кубоги футболчиларимизга янги жамоаларга йўл очди

Файзуллаевдан зўр футболчиларимиз бор!

Файзуллаевнинг Европада ўйнаш имконияти борми?