ЕЛ. "Бетис" ва "Штутгарт" ишончли ҳисобда ғалаба қозонди, "Ноттингем Форест" эса сўнгги дақиқаларда ғалабани илиб кетди

Европа лигасининг 6-туридан ўрин олган 4 та беллашув ўз ниҳоясига етди. 
 
"Бетис" Хорватияда "Динамо Загреб" меҳмони бўлиб, 3:1 ҳисобида зафар қучди. Тўқнашувнинг 31-дақиқасида Серхи Домингес ўз дарвозасини ишғол қилиб қўйди. Орадан 3 дақиқа ўтиб эса Родриго Рикельме севильяликларнинг иккинчи голига муаллифлик қилди. Бу гал орадан 4 дақиқа ўтиб, 38-дақиқада Антони бўш дарвозани ишғол қилган ҳолда, ҳисобни йириклаштириб қўйди. Ушбу голларга эса 89-дақиқада Нико Галешич жавоб бериб, ҳисобни қисқартиришга муваффақ бўлди. 

 
Англиянинг "Ноттингем Форест" клуби эса сафарда Нидерландиянинг "Утрехт" жамоаси билан тўқнаш келиб, 2:1 ҳисобида енгди. Беллашувдаги ҳал қилувчи гол 88-дақиқада Игор Жесус томонидан киритилди. 

 
Шунингдек, "Штутгарт" - "Маккаби Тель-Авив" клублари иштирокидаги баҳс ҳам ўз ниҳоясига етди. Себастьян Хёнесс бошқарувидаги Бундеслига жамоаси ўз майдонида 4:1 ҳисобида йирик ғалабага эришди.