Биринчи лиганинг тақвими маълум бўлди

Кеча — 26-март куни Биринчи лига қандай форматда ўтказилиши масаласига ойдинлик киритилган эди. Бугун эса мусобақа тақвими аниқ бўлди.  Мазкур ҳавола ёрдамида Лига томонидан ўтказиладиган мусобақалар тақвими билан танишиб олишингиз мумкин.

Унга кўра, Биринчи лига 8-апрел кунги ўйинлар билан старт олади. Сўнгги икки мавсумда бўлгани каби мусобақа беллашувлари асосан шанба ва якшанба кунлари ўтказилади. Суперлига жамоалари билан ўйинлар ёки шаҳарлар кесишуви рўй берса, шунингдек, Ўзбекистон кубогидаги ўйинлар сабаб Лига Биринчи лиганинг бирор учрашувини ҳафтанинг бошқа санасига суриши мумкин.

Режага кўра, Биринчи лига якунига этганидан сўнг Биринчилик кубоги старт олади. Бу ҳозирча 7-октябрга тўғри келмоқда. Мусобақанинг финал учрашуви 19-ноябрга режалаштирилган.