"Бавария" Туркия лигаси тўпурари учун 150 миллион евро бермоқчи
- 6-март, 16:35
- Abdukarim Atayev
- 0
- Футбол
"Бавария" ёзда "Галатасарай" ҳужумчиси Виктор Осимхени ўз сафига қўшиб олмоқчи. Бу ҳақда "Footmercato" нашри маълум қилди.
Манбада берилган маълумотга кўра, немис гранди нигериялик форвард учун 150 миллион евродан воз кечмоқчи. Маълум бўлишича, Осимхеннинг “Бавария”га ўтиши "Барселона"га қўл келиши мумкин. Ўшанда каталонияликлар Харри Кейнни ўз сафига қўшиб олиши мумкин бўлади.
Бундан ташқари, Викторнинг хизматларига "Челси", Манчестер Юнайтед", ПСЖ ва "Ювентус" жамоалари ҳам қизиқиш билдирмоқда.
27 ёшли футболчининг айни вақтда трансфер бозоридаги нархи 75 миллион еврога баҳоланмоқда. Унинг Туркия гранди билан амалдаги шартномаси 2029 йилнинг ёзигача мўлжалланган.
Эслатиб ўтамиз, Осимхен жорий мавсум истанбулликлар сафида 25 та учрашувда майдонга тушиб, ўз номига 17 та гол ва 6 та голли узатма ёздириб қўйишга эришди.