“Арсенал” уч футболчини сотувга қўяди

“Арсенал” ёзги трансферлар вақтида ҳозирча ўз сафига уч нафар футболчини қўшиб олди. “Канонирлар” Бен Уайт, Нуну Тавареш ва Альбер Самби Локонга учун 80 миллион евро миқдорида маблағ сарфлади.

Айни пайтда лондонликлар Аарон Рамсдейл ва Мартин Эдегор трансферини якунлашга ҳаракат қилмоқда.

Клуб хўжайинлари бу трансферларга кетган харажатларнинг бир қисмини қоплаш учун уч нафар футболчини сотиб юборишга қарор қилди.

“Тўпчилар” бош мураббийи Микель Артета Виллиан, Эктор Бельерин ва Лукас Торрейрадан воз кечишга тайёрлигини билдирган ва мутасаддилари уларга янги жамоа топиб бериш устида иш бошлаган.