АПЛда навбатдаги истеъфо эълон қилинди

"Вулверхэмптон" матбуот хизмати жамоа бош мураббийи Витор Перейра истеъфога чиқарилганини эълон қилди.

"Ўтган йилнинг декабрь ойида Англияга келгач, Перейра ва унинг штаби дарҳол муваффақиятга эришди ва Премьер-лига мавсумининг иккинчи қисмини муваффақиятли ўтказди.

Бироқ, сўнгги даврдаги натижалар ва кўрсаткичлар мақбул стандартлардан паст бўлиб чиқди, шу муносабат билан раҳбариятни ўзгартириш тўғрисида қарор қабул қилинди", - дейилади "бўрилар" баёнотида.

Англия чемпионатининг жорий мавсумидаги 10 ўйиндан сўнг "Вулверхэмптон" 2 очко жамғариб, 17-поғонадан 8 очко ортда қолган ҳолда сўнгги 20-ўринда бормоқда.