Антонелли ўзининг энг заиф томонини айтди

"Мерседес" пойгачиси Кими Антонелли мавсум давомида рақибларидан нимаси билан ортда қолаётганини айтиб ўтди.

"Тажриба — менинг, масалан, Жорж билан солиштирганда, асосий заиф томоним. Уни сотиб олиб бўлмайди. Лекин ишончим комилки, имконият бўлса, чемпионлик учун кураша оламан. Мен бунга кўп йиллар давомида интилдим ва агар ўзимнинг максимал даражамни кўрсатсам, ҳар қандай одамни мағлуб эта олишимни аллақачон исботладим.

Энг муҳими, асосий нарсаларни тўғри бажариш. Биз жамоа билан буни доимо ўзимизга эслатиб турамиз. Ўзим ҳам ҳали тўлиқ потенциалимни оча олганим йўқ. Ҳар бир пойгадан сўнг ўзим учун янги нарсаларни ўрганяпман. Боно (Антонеллининг пойга муҳандиси) билан биргаликда ажойиб ишлаймиз ва мен унинг тажрибаси орқали катта ютуқларга эришяпман. Биз Жорж билан яхши чиқишамиз, у ажойиб йигит. Лекин, албатта, у менинг нафақат шеригим, балки рақибим ҳамдир. Фақат унда ҳам меникидек тезкор машина бор", - деди Антонелли Bild нашрига берган интервьюсида.

Эслатиб ўтамиз, 19 ёшли Кими айни дамда Формула-1 чемпионат жадвалида етакчилик қилмоқда.