Манчини Польша устидан қозонилган ғалабадан сўнг нималар деди?

Италия терма жамоаси бош мураббийи Роберто Манчини кеча УЕФА Миллатлар лигаси доирасида сафарда Польша (1:0) устидан қўлга киритилган муҳим ғалабадан сўнг ўз фикрларини билдириб ўтди.

“Биз ўйинни тўлиғича назорат қилдик ва ҳисобни бундан эртароқ очишимиз ҳам мумкин эди. Агар ўйин дуранг билан якунланганида бу адолатсизлик бўларди. Биз бугун яхши ўйин кўрсатдик, аммо барибир ўз устимизда ишлашда давом этишимиз лозим. Бунинг учун эса футболда фақат кўпроқ шуғулланиш керак, бу ерда ҳеч қандай афсун бўлмайди”, - дейди Манчини.

Эслатиб ўтамиз, Италия терма жамоаси ушбу ғалабадан сўнг “А” дивизионининг 3-гуруҳида 2-ўринга кўтарилиб олди. Улар кейинги учрашувни 17 ноябрь куни Португалияга қарши ўтказишади.