“Yuventus” nozik nuqtani bosib oldi va “Barsa” darhol muzokarani to‘xtatdi

Koronavirus pandemiyasi davrida grand klublari o‘zlari uchun kerakli futbolchilarni transferga pul sarflamasdan,  o‘zaro o‘yinchilarni almashtirish usulidan foydalanishmoqchi. “Yuventus” “Barselona” qiziqayotgan futbolchilarni qo‘yib yuborish uchun kataloniyaliklardan Frenki de Yongni berishni so‘radi.

“Barselona” vakillari bu taklifni eshitishi bilan birdagina muzokarani to‘xtatdi. Ma’lum bo‘lishicha, de Yong  “Barselona” kelajagi uchun strategik ahamiyatga ega o‘yinchi bo‘lib chiqdi. Kataloniyaliklar uni hech qaerga qo‘yib yubormas ekan.

De Yong “Ayaks”dan “Barselona”ga 75 million evro evaziga ko‘chib o‘tgan edi.