"Yunayted" ikki yirik transfer amalga oshirish arafasida

Erik ten Xag "Manchester Yunayted"ga "Ayaks"ning ikki yulduzini olib kelmoqchi. 

Mankunialiklar Lisandro Martines uchun 50 million evro, braziliyalik vinger Antoni uchun esa 60 million evro taklif qilish niyatida. O‘z navbatida "Ayaks" ularning transferidan 125 million evro ishlab olishni xohlamoqda. 

Ayni vaqtda amsterdamliklar ularga o‘rinbosar qidirish ishlarini boshlab yuborgan. 

"Qizil iblislar"ning yangi ustozi bu ikki o‘yinchi bilan shartnoma imzolashni rahbariyatdan talab qilmoqda. U sobiq klubidagi shogirdlari bilan birga ishlashni istamoqda.